世界女排大獎賽

乜我成十日冇寫xanga...

呢個星期節目多多，返到屋企累到唔想開電腦。

到左今日，真係唔寫唔得，因為今日既活動極之精彩，我同其餘三位米米高層去左睇世界女排大獎賽。對於曾經係排球痴既我，今日先第一次置身現場睇比賽，真係非常之慚愧，點解以前一直都冇諗過睇現場呢？一點三過場係泰國對阿塞拜彊，感覺似學界比賽，球員冇陣形，一打就散，特別係泰國隊，球員身形唔夠高，開起扣球式上黎顯得有d吃力，都唔夠勁度，起初泰國先領先兩場，在場既人都有d驚訝，後來阿塞拜彊死追三局，最後以一球漂亮利落既大斜線扣殺反勝，泰國雖敗猶榮，我倒欣賞兩隊落力打足五場既耐力。

之後果場就係戲肉─中國對俄羅斯。

中國隊甫一出場，全場簡直係進入亢奮狀態，歡呼聲震天，俄羅斯隊一定會感受到一股好強既壓迫力。呢兩隊既球員都有壓場既氣勢，身高不在話下，最重要係team spirit同默契，唔會再有果d你眼望我眼唔知邊個打既失誤。一開波我已經成個人進入緊張狀態，好似係自己落場打咁，秀秀都笑我咁鬼肉緊，睇到查哂拳頭，真係冇計，果d彭彭聲真係令人好鬼興奮。中國隊既扣殺好狠，俄羅斯既防守夠穩，有次中國隊攻左三次先成功擊破其防守，我都好欣賞俄羅斯國寶既大斜線扣殺，乾淨利落。而中國隊唔洗講啦，無論對方點攻都好，個陣都冇散過，回防快，組織快，有急才，並非要下下同你硬撼既，最緊要識睇形勢，識轉彎。中國隊以三比零勝出，我當然開心，不過我更加想睇耐d。

米米問我有冇技癢，點會冇呢，曾幾何時，排球係我既生命，可惜呢種運動唔係約一兩個人就可以玩，玩開既朋友仔都四散，都唔知幾時先可以再摸下個波 。

活著便精彩

回顧一下週末既活動。

星期六睇左新城既容祖兒演唱會，仲有小豬同泳兒做嘉賓，Joey身材超fit，係就係平d，不過勝在夠高，都有d睇頭既，比起初出道既佢，真係靚左好多架啦，至少有style壓到台。佢同小豬勁歌熱舞，搞到d小粉絲超high，我就冇咩特別感覺，又唔係特別like佢地既歌。

演唱會結束後去左灣仔既喜記食宵夜，呢餐宵夜好好食，有超大隻既炒辣蟹，成尺長既椒鹽尿蝦，湯煮蜆，我一直對海鮮都冇特別鍾愛，呢一餐令我完全改觀，依家諗起都好回味。

星期日一早就起身去剪頭髮，本來諗住修下，個stylist叫我試下電少少，令個頭冇咁塔，佢比左本雜誌我睇，我話要整到咁既效果，佢拍哂心口話冇問題，點知出事啦，又一次令我失望，電到咁死鬈，都唔係我想要果種自然效果，次次電親都冇好野，睇怕都係我唔適合鬈髮。整完頭去左PolyU比d野個朋友，咁岩撞到幾個同事，佢地見到我個新look都冇讚我，果一刻我就sense到今次真係好唔掂，之後個朋友既反應都一樣，唉，自信心直跌至谷底。

夜晚約左米米會員食晚飯，之後同黎玉飲野餞行，上次一別已經係兩年前既事，今次佢又去非洲做義工，我覺得佢比起我地任何一個都獨立得多，諗起米米會員每次見面既時候都向度不停嘻嘻哈哈，旁若無人，令人為之側目既時候，真係有d汗顏。一如以往，我地臨行道別大家都依依不捨，bye極都冇人移動，果晚仲破哂紀錄，bye左成半個鐘先走得成。我地真係「怨」氣得過份。

返到屋企又已經十二點幾，呢個星期好似都冇抖過，唉，又冇去做Gym tim......

颱風

呢個week唔駛地獄式咁OT，回復正常既上班時間，竟然適應唔返，朝早懶床五分鐘都唔放過，向西鐵訓到隻死豬咁，訓廿五分鐘都好，唔夠訓好頂癮，我會好想爆粗同打人。

今日開始刮風，壞天氣持續至下週初，最灰係壞又壞唔哂，工依然要照返，週末放假天氣唔好又未能盡興，今個星期又冇得去游水。朋友們都覺得我一定識游水，係既，我咁Sporty（以前）...好可惜我令大家失望，始終未識換氣我唔敢講自己係識游水，一年都游唔到果幾次一定差少少，我希望今年我會學識。

突如其來的大迷信日

今天有一位風水師傅到公司來看風水，事後他以優惠價一百元正替同事批命，其實我早前已想了解一下自己的命格，想不到在我淡忘的時候，機會自動送上門，是時機，也是緣份。

師傅查問我的出生年月日，看過我的掌相和面相後，得出以下結論：

一）命格屬金，忌紅色，白、米、金、黃、啡有利。

二）命好，做足一世，幸好不是打足一世工，意指我該做生意。

三）無橫財，但有正財，靠自己能生活無憂。

本來不敢查問有關感情事，但師傅問起，我便透露一點，意外收獲發現他原來不肖龍，因為出生日還未過立春，所以他該肖兔，我終於明白為何每次看他的生肖運程都不準繩，原來一直都搞錯了，師傅說幸好他不肖龍，因為龍狗相沖，不利姻緣，師傅還批他生性純品，聽哂我話（準）。剛才我告訴袁慧，她說她終於明白我深愛兔兔的原因。想的也是，朋友們都愛貓愛狗愛魚，愛兔兔的人確不多，而我對兔兔那種鍾愛程度，遠超越對貓貓狗狗，即使我將來能夠養狗狗，我同時也要養兔兔

當時我沒有再深入的查問下去，因為我想不到其他問題，我最感興趣的也不過是事業和愛情，大概最近一切都如意，我也不急於窺探將來。只有當你日子過得不好的時候，方會求神問卜尋轉機。

轉載

戀愛必經階段

有位心理學家曾寫道，一個成熟稱得上真愛的戀情必須經過四個階段，那就是：互相依賴(Codependent) 、 反依賴(Counterdependent) 、各自獨立(Independent)，和互助共生(Interdependent) 。4個階段之間轉換所需的時間不定，因人而異。

第一個階段：互相依賴。這是熱戀時期，情人不論何時何地總希望能膩在一起。

第二個階段：反依賴。到情感穩定後，至少會有一方想要有多一點自己的時間作自己想做的事。這時另一方就會感到被冷落。

第三個階段：各自獨立。這是第二個階段的延續，要求更多獨立自主的時間。

第四個階段：互助共生。這時新的相處之道已經成形，你的配偶已經成為你最親的人。你們在一起相互扶持、一起開創屬於你們自己的人生。你們在一起不會互相牽制，而會互相成長。

但是，大部分的人都通不過第二或第三階段，而選擇分手一途，這是非常可惜的。很多事只要好好溝通都會沒事的。不要耍性子。不要想太多。要互相信任，這樣第二、三階段的時間就會縮短。

和所愛的人相遇相戀是非常不容易的，不要輕言放棄。兩人相聚是因為有緣，相知是因為有心，真的得好好珍惜這福份。莫說分手不是無由，希望看到上述的四個階段，真能給大家一些啟示與領悟，並且惜緣，我們便會逐漸變成我們所愛的人。您和配偶本來沒有相同之處，外表不相像，性格也是南轅北轍，一旦愛上了，年深日久，您會驚訝您的眼睛有點像配偶的眼睛，配偶的微笑也有點像您的微笑。您們走路的步伐也有點相似，說話的語氣也愈來愈相像。

原來我們會變成我們所愛的人。他本來喜歡腳踏實地的人，而您一向比較輕佻，但您們愛上了，您竟會不知不覺變成一個老實人。這個改變，連配偶自己也不曾察覺。配偶本來喜歡浪漫活潑的男孩子，卻愛上了穩重拘謹的您。這些日子，您竟愈來愈活潑，您差點認不出自己。

我們會逐漸變成對方理想中的人。這種改變，絕對不是刻意的。兩個人愈愛得長久，氣質也愈來愈相近。您曾經以為他不是您夢寐以求的那種類型。

然而，有一天，您驚訝地發現，他已經變成您喜歡的那種類型，您不必再到處尋覓，他就是您要找的人。不是勉強得來的，卻是自自然然，但願如此。忍耐、守候，比另找別人，更有智慧。

深深愛著一個人的時候，您原來真的會一點一點的失去自己，為甚麼您還會覺得快樂呢？大概是因為您在失去的當兒，也是賺了，您把配偶的氣質和配偶的微笑都賺回來。